Tuesday, July 21, 2009

周周近況

-- 公司在裝修,按計畫是今月完工,偏偏工頭慢過鬼,起兩幅牆都要成個禮拜。
-- 營業執照同寫字樓都未攪掂,所以未正式請人。目前只有三個員工,一個會計(舊同事),一個銷售(都係舊同事),仲有一個秘書(呢個係新請既)。
-- 報了名考車牌,不過我又忙到死,筆試課本都唔得閒睇。
-- 一日三餐,總有一餐係味千拉麵,呢度既服務「好掂」,永遠都係我食完碗麵,碟沙津先上……
-- 為左有正常運動,我在酒店的俱樂部辦了卡。有時夜晚瞓唔著,天懞光就會去遊水,然後在池邊瞓番一粒鐘先番工。
-- 不過有次感冒,瘦左成十磅(!)之後飲番一星期鮮奶,體重又回復正常(!!)
-- 新請既秘書以前在廣州讀書,佢亦成為我在長沙第一個能夠用白話溝通既女人。
-- 有時我會和她去品酒,比起酒吧街既浪蝶,佢唔算靚,但耐看得多。
-- 忽然間,我唔想再似周慕雲,因為我唔想佢係王小姐……
-- 可能為左冷靜,今個周末專程回港吸收新鮮空氣。忙著吃壽司,買東買西。
-- 臨走前一晚,點都要寫番篇blog(在長沙是上不了blogspot的),兼且狂用白話,以証自己未被內(地)化……
-- 嘩!成四點了。同志們~~(拉高八度),再.見!

No comments: