Monday, January 29, 2007

梁.朝.偉

一向都唔鐘意轉載,但呢篇真係唔引唔得……有趣有趣……

也斯 X 葛亮 [文/陸鈞]

【明報專訊】講到文學,香港雖是「中環價值」掛帥,但其實一直有人在默默耕耘兼努力。 嗱,若論大師級人馬,原名梁秉鈞嘅也斯肯定係好例子,呢位先生,早年曾被稱為「學院梁朝偉,有型到冇得頂,但佢老人家當然唔會滿足於表面造型,因為佢著重嘅係文化內涵,所以,研究不絕、創作不斷,前兩年仲攞咗個Fulbright Fellowship 去哈佛住咗一年,文學功力勁上加勁。
也斯啲書向來係由牛津大學出版,最近又有新作嘞,就係詩集《蔬菜的政治》,動人之極,相信連自稱政治家嘅曾蔭權都會睇到流眼淚。
而若論年輕新秀,則要注意葛亮此人。呢位後生仔,28歲而已,已是港大中文系博士,曾經勇奪台灣聯合文學小說新人獎首獎、香港青年文學獎等勁爆獎 項,小說集《謎鴉》去年入選台灣「誠品選書」名單,亦屬殊榮。葛亮最近出咗本新書叫做《相忘江湖的魚》,此乃短篇小說集,寫的是城市生活的喜怒哀樂,年輕 讀者必有共鳴,陸鈞全力推薦。